BRB Fintech Hackceleratorning yakunlanishi: Innovatsiyalar va texnologiyalar bo'yicha oylik marafon.

Isomiddin

— 1 daqiqa.
BRB Fintech Hackceleratorning yakunlanishi: Innovatsiyalar va texnologiyalar bo'yicha oylik marafon.
rasm manbasi: https://brb.uz/

Biznesni Rivojlantirish Banki (BRB) moliya texnologiyalari sohasida innovatsiyalarni rivojlantirishga qaratilgan keng ko'lamli oylik xakaton — BRB Fintech Hackceleratorni muvaffaqiyatli yakunladi. Tadbirning hamkorlari BRB-TECH, Amity University, IT Community, Yandex va VeonAdtech bo'ldi. Xakaton yetakchi IT jamoalari va fintech mutaxassislarini zamonaviy texnologik yechimlar yaratish uchun birlashtirdi.

Xakatonning asosiy natijalari:

  • 700 dan ortiq ishtirokchi ro'yxatdan o'tdi.
  • 200 ta jamoa ariza berdi.
  • 85 ta jamoa ikkinchi bosqichga — intervyuga o'tdi.
  • 800 daqiqa intervyu o'tkazildi.
  • 47 ta jamoa xakatonning final bosqichida ishtirok etish imkoniyatiga ega bo'ldi.

Bir oy davomida ishtirokchilar o'z loyihalari ustida faol ishladilar, IT va fintech sohasidagi eng yaxshi mutaxassislar bilan bootcamp va workshoplarda qatnashdilar.

Mukofotlash marosimi

Marosim so'ngida g'oliblar e'lon qilindi, ular 300 million so'm miqdoridagi mukofot jamg'armasi bilan taqdirlandi.

1-o'rin — Bruhtech jamoasi (moliyaviy savodxonlikni o'rgatish platformasi) 150 million so'm.

2-o'rin — Solution Squad jamoasi (AI assistenti) 100 million so'm.

3-o'rin — Consultant AI jamoasi (Mijozlar bilan qo'ng'iroqlar uchun AI telefon aloqasi) 50 million so'm.

BRB-TECH kompaniyasi dasturiy ta'minot ishlab chiqish, tizim integratsiyasi, veb va mobil rivojlantirish, shuningdek, kiberxavfsizlikni kuchaytirish va biznes jarayonlarini avtomatlashtirish bilan shug'ullanadi. U xakatonning asosiy hamkorlaridan biri bo'lib, metodologiya va hakamlikni ishlab chiqishda yordam berdi, foto va video yaratish uchun mobilografni taqdim etdi, shuningdek, hamkorlar va ishtirokchilar bilan intervyularni tashkil etdi.

Yakunlovchi marosimda BRB-TECH marketing bo'limi boshlig'i Pulatov Isomidin Shomiddinovich nutq so'zlab, kompaniyaning asosiy faoliyat yo'nalishlari, amalga oshirilgan loyihalari va kelajakdagi ambitsiyali rejalari haqida ma'lumot berdi.

Batafsil